progastalДЕЈСТВО:

Прогастал е сложен биокомплекс на растителни антисептични, антимикробни и  противвоспалителни материи. Антисептичниот ефект е резултат на активноста на етеричните масла – посебно на жалфијата. Антимикробното дејство е насочено врз 74 бактерии, вклучувајЌи ги и соевите резистентни на метицилин. Антивирусното дејство е насочено кон Herpes Simplex и Herpes zoster вирусите како и врз повеќе патогени соеви на квасницата Candida.

Противоспалителниот ефект на Прогастал се должи на дејството на жалфијата и флавоноидите (акацетин и кварцетин) од прополисот, кои заедно со витаминот Ц го зацврстуваат капиларниот ѕид, ја зголемуваат способноста на серумските белковини (посебно гама глобулини) да се врзуваат за хистаминот, а со тоа го елиминираат неговиот воспалителен ефект. Прогастал делува антиоксидантно (го штедат витаминот Ц од врзување со хелатни врски за металите) ја заштитуваат меѓуклеточната супстанца и го штитат адреналинот преку инхибиција на ензимот 0- метил трансфераза.

Флавоноидите апигенин и диетил естерот на лутеолинот ја намалуваат секрецијата на желудечната киселина. Кверцетинот и кенферолот имаат спазмолитично дејство, ги намалуваат грчевите на мазната мускулатура и ја намалуваат болката.

Прогастал ја препокрива оштетената лигавица со тенок филм. Ја зголемува митотичната активност на фиброцитите. Анестетично трофично-гранулациониот ефект доведува до намалување на болката и регенерација на лигавицата. Етеричните масла имаат против воспалителен ефект, ја намалуваат болката, делуваат против воспалително, го отстрануваат чувството на напрегнатост во стомакот и ги регулираат гасовите.

Прогастал има пријатен мирис и вкус и го отстранува непријатниот мирис од устата.

Прогастал не ја нарушува нормалната флора и не предизвикува резистетност на бактериите.

Прогастал ја намалува токсичноста на антибиотиците, го спречува населувањето на candida albicans што наметнува потреба од нивно заедничко користење при потешки болни состојби.

ИНДИКАЦИИ: Чир на желудникот и дванаесетпалачното црево, акутни и хронични гастродуодените, ерозии на хранопровод, хепатобилиарни болни состојби.

КОНТРАИНДИКАЦИИ: Прогастал не треба да го употребуваат лица преосетливи на состојките на препаратот. Хиперсензитивната реакција е локална и поминува со прекинување на лекувањето.


ДОЗИРАЊЕ И НАЧИН НА УПОТРЕБА:

  • До 30 капки, 3-4 пати на ден пред јадење – во тек на 4-6 недели. Додека се користи ПРОГАСТАЛ да се избегнуваат надразнителни јадења, зачини, жестоки алкохолни пијалаци.

НАПОМЕНА:

Препаратот е додаток на исхрана. Не се препорачува на лица осетливи на некоја од состојките. Додатоците во исхрана не се користат како замена за разновидна исхрана. На ткаенини остава трагови кои тешко се отстрануваат. Не содржи вештачки бои и конзерванси.


Да не се надминуваат препорачаните дози..

Предупредување


 

Стручно мислење

 


Произведува “APIMEL” DOOEL,
Argir Marincev 3, 6000 Ohrid, Macedonia.
Phone/Fax: +389(0)46 256594; www.apimell.com; www.drbacheff.org;
www.rozacea-treatment.coм.
e-мail:contact@apimell.com;
facebook: Apimell Dr.Bacheff

Состав

  • 20.0gr Прополис екстракт (Propolis extract);
  • 0.1gr Жалфија (Salviae off.);
  • 0.6gr Нане (Menthae Piperitae);
  • 0.4gr Анис (Pimpinella Anisum);
  • Разреден алкохол (Aethanolum Dilutum).

Чување

На суво и ладно место до 25°С, заштитено од дневна светлина. Да се чува надвор од дофат на деца!

Пакување

10 ml капки во стаклено шише со капалка / картонска кутија.

Рок на употреба

5години.

Втиснат на надворешната амбалажа.

Последна ревизија на упатството 04/2015